Špic, ravna ili “kriva” – znate li za šta služe ove pincete?

Postoje pincete raznih oblika. Rukovanje špicastom pincetom zahtjeva vještinu, ali ona jedina rješava probleme uraslih dlačica. Kosa pinceta je recimo bolja za donji dio obrva, a ravna za gornji.

Ima tu još detalja koji mogu biti presudni u vašoj beauty rutini, pa da ih objasnimo.

Špicasta pinceta

Izgleda pomalo opasno, a i može biti ako niste vješti u rukovanju pincetom i/ili nemate mirnu ruku. Ali ako imate i znate šta radite, ovo je idealan alat koji će vam pomoći da “ulovite” i iščupate i najkraću i najtanju dlačicu. Ova pinceta je idealna i za čupanje uraslih dlačica. Ako vam je opsesija kućni nail-art, pomoći će vam da na nokat savršeno precizno stavizr sitne kristale i druge ukrase.

Još jedan plus: špicsta pinceta idealna je za stavljanje i namještanje umetnih trepavica. Takođe, njome se precizno mogu iščupati neposlušne, predugačke dlačice ili bilo koja koja smeta na trepavicama. Naravno, vještačka.

Kosa pinceta 

Ona je klasik među pincetama. Sa njom možete savršeno da definišete donju konturu obrva. Ovaj tip pincete možete čak koristiti i za stavljanje vještačkih trepavica.

Ravna pinceta

Ravna pinceta se uglavnom ne preporučuje za oblikovanje obrva zato što odjednom može d obuhvati previše dlačica i nejednako počupa obrve. Ipak, ono što je negdje mana, drugde je prednost. Dakle, na mjestima gdje treba počupati što više dlačica odjednom (na primjer, na području između obrva, na bikini zoni…) ravna pinceta je idealna. Idealna je za druge dlačice na licu ili pak gornji rub obrva.

Pinceta sa vrhom koji je pod uglom

Za razliku od drugih pinceta čija dva kraka su ravna, na ovoj pinceti postoji određeni ugao pod kojim se spajaju. Tako nastao razmak između krakova pincete omogućava nam da bolje vidimo koje smo dlake uhvatili što je posebno korisno ako čupate dlake s teško dostupnog područja kao što je ono uz bikini liniju ili dlačice koje je teško vidjeti, kratke ili svijetle.

Savjet plus: Prije čupanja obrva stavite pincetu u zamrzivač. Hladan materijal umiruje, to jest manje iritira kožu. Osim toga, stručnjaci savjetuju da se obrve čupaju naveče poslije tuširanja. Tada su pore otvorene, a koža ima čitavu noć da se oporavi.

Izvor: miss7.24sata.hr