Savjeti za uspješan izbor idealnog parfema

“Žena koja ne nosi parfem nema budućnost”, slavna je izjava famozne Koko Šanel, koja je ostala aktuelna toliko decenija. Međutim, kako izabrati baš onaj pravi u moru ponude?

Ovih pet stvari je dobro znati kako biste napokon znali da izaberete savršen parfem za svaku priliku:

1. Jedan od najvažnijih savjeta glasi: nikada nemojte da kupujete miris prije nego ga isprobate, a većina parfimerija bi trebalo da ima uzorke za isprobavanje, stoga to ne bi trebalo da bude problem. Nosite ga par dana, jedino tako ćete spasiti bogatstvo ako vam miris ne odgovara “po svim zahtjevima”.

2. Sve što ima “seksi” prizvuk u opisu treba sačuvati za noćne izlaske. Uostalom, takve mirise uvijek možete da nosite u raspršivaču u malim dozama, u torbici. Lako ćete se sa poslovnog prebaciti na “opušteni” miris.

3. Mirisi se izgube tokom sati nošenja, a vi želite da vam traje cijelu noć. Zato, ne igrajte na samo jednu kartu – uz omiljeni parfem, imajte spreman i dezodorans za tijelo sa sličnim notama koji stavljate prije parfema. Pored toga, na zglobove ruku možete staviti par kapljica nekog organskog eteričnog ulja.

4. Oni koji vole slatke cvjetne mirise neka traže parfeme s tragovima vanile i karamele koji nisu previše napadni. Oni su idealni za česta osvježavanja tokom dana.

5. Ponekad je potrebno posegnuti za univerzalnim mirisom, onim koji zaokuplja pažnju oba pola, koji se nosi uz odijela, muška i ženska. Ključne note takvog parfema su hrast i citrusi. Oni se često opisuju kao “orijentalni” ili “drvenasti” i vrlo su dogotrajni.

Izvor: tportal.hr